Almaty ákimi Erbolat Dosaev Qytaıǵa jumys sapary aıasynda Qytaıdyń Eksport-ımport banki (China Exim Bank) prezıdenti Van Chýnınmen kezdesti, dep habarlaıdy aqshamnews.kz
Kelissózderdiń basty taqyryby – qalanyń metro jelisin keńeıtýge arnalǵan ınfraqurylymdyq jobalardy qarjylandyrý. Erbolat Dosaev ekijaqty yntymaqtastyqtyń mańyzdylyǵyn atap ótip, qarjylandyrý sharttaryn talqylaýǵa daıyn ekenin bildirdi. Van Chýnın banktiń Qazaqstanda 16 jyldyq tájirıbesi bar ekenin aıtyp, jol-kólik ınfraqurylymy salasyndaǵy jobalardy qoldaýǵa daıyn ekenin jetkizdi. Taraptar seriktestikti nyǵaıtý úshin birlesken jumysty jalǵastyrýǵa nıet bildirdi. China Exim Bank (Qytaı Eksımbanki) syrtqy saýdany, ınvestısıalardy jáne halyqaralyq ekonomıkalyq yntymaqtastyqty qoldaýmen aınalysady. Onyń álemniń ártúrli elderinde ókildigi men bólimshesi bar.
