Almaty mektepterinde oqýshylarǵa beriletin tegin taǵamdardyń máziri ózgerýi múmkin. Qazir pılottyq joba qolǵa alyndy, - dep habarlaıdy almaty-akshamy.kz Almaty.tv-ǵa silteme jasap.
Durys tamaqtanbaý, tez daıyndalatyn taǵam túrlerin jıi tutyný sozylmaly aýrýlarǵa ákeledi. Dıetologtardyń aıtýynsha, durys tamaqtanýdy mektep qabyrǵasynan bastaý kerek. Almaty qalalyq bilim basqarmasy "Ulttyq salaýatty tamaqtaný" ortalyǵynyń mamandarymen birlesip, arnaıy mázir daıyndap jatyr. Onda balalar úshin qunarly ári ár eldiń ulttyq taǵam túrleri engizilmek.
"Almaty qalasy boıynsha 3 mektepti eksperıment retinde aldyq. Mektepterde antropotologıalyq zertteý ótkizdik. Ata-analarmen kezdesip, oqýshylarǵa trenıń ótkizildi. Oqýshylarmen birge tamaqtyń sapasyn anyqtadyq", – dedi Almaty servıstik qyzmet kórsetý kolejiniń dırektory Erulan Qaraǵulov.
Jańa mázirdegi taǵam túrleri muǵalimder men ata-analarǵa jáne sarapshy mamandarǵa usynyldy. Olar taǵamnyń qunarlyǵy men dámine baǵa berip, usynys-tilegin jetkizdi. Kóptiń kóńilinen shyqsa, aldaǵy ýaqytta osy mázir megapolıstegi barlyq mektepke engizilýi múmkin.
Aıta keteıik, bul – ázirge tek pılottyq joba.
"Barlyq tamaqtar óte unady, balalarǵa paıdaly. Súzbeleri de unady. Balalarym súısinip, tamsanyp jedi. Asqanaǵa osyndaı ulttyq tamaqtardy engizse deımin. Eshqandaı shaǵym joq. Biraq kókónisterdi kóbirek qossa deımin", – dedi ata-ana Dılıra Amanılova.
Búgin kópshilikke usynylǵan taǵam túrleri naqty bekitilgen tizim emes. Zertteý jumystary mamyrǵa deıin jalǵasady. Ol úshin ózge de mamandardyń pikiri tyńdalyp, sheteldik ádistemeler qoldanylyp kórmek. Jańa mázirge engizilgen taǵam túrlerin Almatydaǵy servıstik qyzmet kórsetý kolejiniń ustazdary daıyndaıdy.
"Jańadan daıyndalǵan mázir tiziminde balyq ta bar. Onyń balalar úshin paıdasy kóp. Quramy omega, ıod pen túrli dárýmenderge toly. Sondaı-aq irimshik pen súzbe sekildi sút ónimderimen tolyqtyrdyq. Olar qunarly bolyp keledi. Mázirdi daıyndaý kezinde barlyq taraptyń oı-pikiri eskerildi", – dedi dıetolog Veronıka Ivanova.
Búginde Almatydaǵy memlekettik bilim berý uıymdarynda 134 myńnan astam oqýshy tegin tamaqpen qamtylǵan. Bir balanyń kúndik taǵam baǵasy ortasha eseppen 830 teńge.