Almaty qalasynyń búdjetin naqtylaý búdjettik baǵdarlamalar ákimshileri arasynda qarajatty ishki qaıta bólý esebinen júrgiziledi. Bul týraly máslıhattyń kezekti sesıasynda Almaty qarjy basqarmasynyń basshysy Qanat Sýhambekov málimdedi.
Onyń aıtýynsha, búdjettiń kiris jáne shyǵys bóligi 82,9 mlrd teńgege, onyń ishinde memlekettik satyp alý qorytyndylary boıynsha únemdeý esebinen – 18,1 mlrd teńgege, sondaı-aq kelesi jylǵa 57,9 mlrd teńge kóleminde qarajat aýdarý esebinen azaıtylatyn bolady.
«2025 jylǵa qarajat aýdarýdyń negizgi sebepteri – merdigerlerdiń sharttyq mindettemelerdi tıisinshe oryndamaýy, konkýrstyq rásimderdi uzaq ýaqyt ótkizý», - dep atap ótti Qanat Sýhambekov, jańa bastamalar boıynsha jumys qarqynynyń ozyp ketýine baılanysty qosymsha 21,3 mlrd teńge bólinetinin, olar áleýmettik mańyzy bar jobalar men is – sharalardy qosymsha qarjylandyrýǵa baǵyttalatynyn aıtty.