Epıortalyǵy Almatydan shyǵysqa qaraı 43 km qashyqtyqta, Qazaqstan aýmaǵynda ornalasqan.
Búgin tańerteń Almatydan birneshe shaqyrym qashyqtyqta 2 ret jer silkindi, dep habarlaıdy Almaty-akshamy.kz «Seısmologıalyq tájirıbe-ádistemelik ekspedısıasy» JSHS-ne silteme jasap.
Kezekshi operatordyń habarlaýynsha, jer silkinisi búgin, 16 sáýir kúni jergilikti ýaqytpen saǵat 8:55-te tirkelgen.
«Epıortalyǵy Almatydan shyǵysqa qaraı 43 km qashyqtyqta, Qazaqstan aýmaǵynda ornalasqan. Energetıkalyq sanaty – 9.2. MPV magnıtýdasy – 3.8. Epıortalyq koordınattary – 43.28° s.e. jáne 77.43° sh.b. Tereńdigi - 5 km. MSK-64 baǵany boıynsha sezilý bolmady», - delingen habarlamada.
Sondaı-aq, búgin jergilikti ýaqytpen saǵat 7:40-ta da jer silkinisi tirkelgen. Onyń epıortalyǵy Almatydan shyǵysqa qaraı 325 km qashyqtyqta, Qazaqstan men Qytaı shekarasynda boldy. Energetıkalyq sanaty – 9.0. MPV magnıtýdasy – 4.0. Epıortalyq koordınattary – 43.44° s.e. jáne 80.90° sh.b. Tereńdigi - 15 km. MSK-64 baǵany boıynsha sezilý bolmaǵan.