16 sáýir kúngi aýa raıy boljamy
16 sáýirde el aýmaǵynda jańbyr men qar túrinde jaýyn-shashyn kútiledi, dep habarlaıdy, Almaty-akshamy.kz
Qazgıdromettiń málimetinshe, soltústikte, soltústik-batysta qar, ońtústikte, ońtústik-shyǵysta jańbyr, naızaǵaı, burshaq jaýady. Respýblıka boıynsha jeldiń kúsheıýi, tuman, soltústikte, ortalyqta jáne shyǵysta kóktaıǵaq, burqasyn, ońtústik-batysta shańdy daýyl boljanady.
Qostanaı oblysynyń ońtústik jartysynda jáne batysynda, Abaı oblysynyń ońtústiginde, kúndiz Shyǵys Qazaqstan oblysynyń ońtústigi men shyǵysynda qatty jaýyn-shashyn (jańbyr, qar) kútiledi.
Kúndiz Túrkistan oblysynyń taýly aýdandarynda qatty jańbyr jaýady. Jambyl oblysynyń ońtústik-batysynda, soltústik-shyǵysynda, taýly aýdandarynda jel kúsheıedi. Kúndiz ekpini 30 m/s jáne odan joǵary bolady.