Eki sheteldik týrıs Belgıa jáne Fransıa azamattary eken.
Almaty oblysy Tótenshe jaǵdaılar departamentiniń málimetinshe, olar AQSH baılanysshylarynyń arqasynda tabyldy, dep habarlaıdy Almaty-akshamy.kz Ratel.kz- ke silteme jasap.
Seısenbi, 23 naýryz kúni, keshki saǵat segizde Almaty oblysy Tótenshe jaǵdaılar departamentiniń púltine eki sheteldik týrısiń Eńbekshiqazaq aýdanynda Asy asýynda Bartoǵaı sý qoımasy mańynda joǵalyp ketkeni týraly habarlama kelip tústi. Oqıǵa ornyna dereý qutqarýshylar jóneltildi.
Qazaqstannyń ásem tabıǵatynyń kórikti jerlerin aralaýdy josparlaǵan 1987 jyly týǵan bul azamattardyń jaldamaly kólikteri buzylyp qalǵany belgili boldy. Olar kóliktegi aqaýdy óz betimen jóndeı almaǵandyqtan, spýtnıktik baılanys arqyly qutqarýshylardyń kómegine júgingen.
«Spýtnıktik telefonnyń kómegimen «SOS» túımesin basý arqyly týrıser koordınattary men olardyń ornalasqan ózderiniń meken-jaıyn jibere alǵan. Alǵashqy kómek suraǵan habarlamany AQSH-ta baılanys qyzmetin kórsetetin kompanıa alǵan, keıin bul habarlama Qazaqstan elshiligi arqyly Almaty qalasynyń dıplomatıalyq ókildigine jiberildi, ol óz kezeginde bul habarlamany Almaty oblysynyń Tótenshe jaǵdaılar departamentine jetkizdi», - deıdi qutqarýshylar.
Aıtýlarynsha, túngi bir jarymda tótenshe jaǵdaı ornyna qyzmetkerler men tehnıka jiberilgen.
«Túngi saǵat 1:30-da TJD kúshteri (6 qyzmetker men 2 tehnıka), Almaty qalasy jedel qutqarý bólimi (9 qyzmetker jáne 2 tehnıka, 1 kınologıalyq brıgada), Shelek aýylynyń jergilikti polısıa qyzmetiniń (5 qyzmetker men 2 tehnıka) kómegimen týrıser tabylyp, Almatyǵa jóneltildi. Olarǵa medısınalyq kómek kórsetýdiń qajeti bolǵan joq», - dep málimdedi oblystyń Tótenshe jaǵdaılar departamentiniń baspasóz qyzmeti.