Táýelsiz eldiń bilimdi urpaǵy
Táýelsizdiktiń 30 jyldyǵy qarsańynda Almaty qalalyq №178 mamandandyrylǵan lıseıiniń 29 túlegi «Altyn belgi» ıegeri atanǵan. Dál qazir oqý ordasynda 1672 oqýshy bilim alyp jatyr. Jaratylystaný men matematıka pánderi boıynsha lıseı atynan qatysqan 16 balanyń úsheýi respýblıkalyq kezeńge joldama aldy, dep habarlaıdy Almaty-akshamy.kz
«Biz bar kúshimizdi ár balanyń boıyndaǵy qasıetterdi ashýǵa jumsap, kóp eńbek etýdemiz. 33 jyl eńbek jolymda tek osy fızıka dárisimen, bilimimdi balalarǵa berip kele jatyrmyn», – dedi №178 mamandandyrylǵan lıseı muǵalimi, «Y. Altynsarın» tósbelgisiniń ıegeri Gúlnar Slámǵalıeva.
№178 mamandandyrylǵan lıseıdiń pedagogıkalyq ujymynda 174 muǵalim, onyń ishinde 1 ekonomıka ǵylymynyń kandıdaty, «Y. Altynsarın» tósbelgisin taqqan 3 ustaz ben 4 úzdik pedagog jumys isteıdi. Lıseı dırektorynyń sózinshe, bilim izdegen jastardyń damýy ustaz biliktiligimen tikeleı baılanysty.
«Oqýshylardyń arasynda óte joǵary deńgeıde bilim sapasyn kórsetetin oqýshylarmyz jetkilikti. Mysaly, ár jyly 280, byltyrǵy oqý jylynda 239 oqýshy 11-synypty aıaqtady», – dedi №178 mamandandyrylǵan lıseı dırektory Qaıratbek Shádıev.
Bıyl Almatyda 30 myńnan astam búldirshin mektep tabaldyryǵyn attady. Sondaı-aq Alataý, Naýryzbaı jáne Túrksib aýdandarynda 12600 orynǵa arnalǵan 8 memlekettik mektep salynyp jatyr. Jospar boıynsha 3 jańa mektep jyl sońynda qoldanysqa berilmek.