Jańa materıal áldeqaıda berik.
Almatyda asfálttyń jańa túri synaqtan ótkizilip jatyr. Bul týraly qalalyq ákimdiktiń baspasóz qyzmeti málim etti, dep habarlaıdy Almaty-akshamy.kz.
Ákimdiktiń málimetinshe, polımerli bıtým negizindegi asfáltty betondy qospany almatylyq jol jóndeýshiler qoldanysqa engizip kórdi. Pılottyq joba aıasynda jańa qospamen Gogol kóshesiniń avtobýs jolaǵynyń soltústik jaǵyndaǵy úsh ýchaskesi jóndeldi. Mamandar bul aýmaqty jyl boıy baqylap otyrady.
«Synamalar alynyp, jabynnyń jaı-kúıine monıtorıń júrgiziledi. Bul tájirıbe barysymen qala ákimi Erbolat Dosaev tanysty. Jańa materıal áldeqaıda berik jáne joldarda oıyqtar men jaryqtardyń paıda bolýyna jol bermeıdi dep eseptelip otyr»,- delingen habarlamada.