Almatynyń kólik qańqasy ortalyq bóliginde uzyndyǵy 168 shaqyrym 28 dálizden jáne shetki bóliginde 186 shaqyrym 30 dálizden turatyn damyǵan kólik ınfraqurylymynan turady.
Bul týraly qalalyq máslıhat depýtattary men sarapshylar qaýymdastyǵynyń aldynda ótken tusaýkeserde sheber-jospardy ázirleýshiler aıtyp berdi. Aıta keteıik, kólik qozǵalysynyń sheber-jospary Almaty ákimi Erbolat Dosaevtyń tapsyrmasymen ázirlengen, dep habarlaıdy almaty-akshamy.kz.
Kólik qańqasynyń modelin júzege asyrý ınfraqurylymdyq ózgerister qajet. Osylaısha, biryńǵaı jelini damytý úshin kóshelerdi ishinara uzartý, dálizderdi keńeıtý, ýchaskelerdi baılanystyrý kerek bolady. Qalanyń ortalyq bóliginde jumystar 19 shaqyrym jolǵa, shetki bóliginde – 54 shaqyrym jolǵa josparlanǵan, onyń 47 shaqyrymy Bas josparda kózdelgen.