Arhıtektýra, dızaın jáne ınjenerıa koleji eńbek naryǵynyń zamanaýı talaptaryn eskere otyryp, bilim berý baǵdarlamalaryn jetildirýdi jalǵastyrýda. 2025 jylǵy «Jumysshy mamandyqtar jylyna» sáıkes kolejde eki jańa baǵyt ashylady, dep habarlaıdy aqshamnews.kz
Biri – ǵımarattardy jobalaýdyń jáne paıdalanýdyń avtomattandyrylǵan júıeleri (BIM-tehnologıalar) bolsa, ekinshisi – lıft sharýashylyǵy men eskalatorlar. Bul týraly óńirlik komýnıkasıalar qyzmetiniń baspasóz konferensıasynda kolej dırektory Kamal Jamangozov málimdedi.
Onyń aıtýynsha, halyqaralyq standarttarǵa sáıkes qaıta daıarlaý jáne biliktilikti arttyrý baǵdarlamalaryn qurý boıynsha qosymsha jumystar júrgizilýde. 2025 jyldyń qańtarynda Qytaıdyń Iýbeı bilim berý ortalyǵymen yntymaqtastyq týraly memorandýmǵa qol qoıyldy, bul stýdentter men oqytýshylarǵa tájirıbe almasý jáne taǵylymdamadan ótý úshin jańa múmkindikter ashady.
«Jas Maman» jobasynyń arqasynda kolej quny 170 mıllıon teńgeden astam zamanaýı qural-jabdyqtarǵa ıe boldy. 2023 jyly «Tehnonıkol» qurylys akademıasymen birlesip, 120 mıllıon teńge ınvestısıa tartylǵan halyqaralyq quzyret ortalyǵy ashyldy.
«Tehnonıkol» kompanıasy jyl saıyn oqý prosesine qajetti shyǵyn materıaldaryna shamamen 12 mln teńge bóledi. Ortalyq ashylǵannan beri 2320 adam qysqamerzimdi oqýdan ótti, al 2025 jyly keminde 2600 maman daıarlaý josparlanyp otyr.
Sondaı-aq «Jumysshy mamandyqtary jyly» aıasynda kolejde OXYPROP (Qytaı), Flugger (Danıa) jáne Vetonit (Fransıa, Saint-Gobain konserni) halyqaralyq brendterimen birlesken syrlaý isi mektebin ashyldy. . Qazirgi ýaqytta Saint-Gobain kompanıasymen qurylys tehnologıalary salasynda quzyrettilik ortalyǵyn qurý boıynsha kelissózder júrgizilýde.