«Almaty Jazy» aksıasy jalpy respýblıkalyq «Taza Qazaqstan» aksıasy aıasynda ótkizilip, aǵymdaǵy jyldyń 6 shildesine deıin jalǵasady.
Tazalyq pen tártipti saqtaý maqsatynda qala kóshelerinde 624 aıaldama kesheni, 90 baǵdarsham nysany jáne 2 181 jol belgisi baǵany jýyldy, dep habarlaıdy almaty-akshamy.kz.
5000-nan astam arnaıy tehnıka júris bólikteri men trotýarlardy, sondaı-aq aýla ýchaskelerin sypyrýǵa jumyldyrylǵan. Búgingi tańda 41 myń sharshy metrden astam joldar men trotýarlardyń júris bóligi, 200 km nóser kárizi tazartyldy, qalanyń 272 kóshesinde shóp shabyldy. Sondaı-aq 3 760 aýla ýchaske sypyryldy, qoqystan tazartyldy.
Aıaldama keshenderi men aýla aýmaqtaryn tazalaýmen qatar, oryndyqtar men kóshe ýrnalary sıaqty qalalyq ınfraqurylymnyń ajyramas elementterin jóndeý jáne syrlaý jumystary júrgizilýde. Merdigerlik uıymdar 7 049 oryndyq pen 11 351 kóshe ýrnasyn jýdy.
«Almaty Jazy» aksıasy barysynda aǵymdaǵy jyldyń 26 maýsymy men 6 shildesi aralyǵynda qalada 798 aıaldama keshenin, 122 baǵdarsham nysanyn, 3 181 jol belgilerin shańnan jáne lastanýdan tazartý (jýý) jumystary júrgiziletin bolady.