«Almaty Jastary» qalalyq baǵdarlamasy boıynsha jeńildetilgen nesıe berý jóninde habarlandyrý
Almaty qalasynyń ákimdigi 15-31 mamyr aralyǵynda Almatynyń 35 jasqa deıingi jáne osy jasqa tolǵandardan «Almaty jastary» qalalyq baǵdarlamasy boıynsha turǵyn úı satyp alý úshin jeńildetilgen turǵyn úı zaımdaryn alýǵa ótinishter men qujattardy qabyldaýdyń bastalǵany týraly habarlaıdy.
Baǵdarlamaǵa qatysý úshin ótinishti www.almaty-zhastary.kz saıty arqyly tapsyrýǵa bolady. Saıtta avtorızasıalaý elektrondyq sıfrlyq qoltańba (ESQ) arqyly júrgiziledi.
Almaty qalasynyń ákimi E.A. Dosaevtyń tapsyrmasy boıynsha Baǵdarlama sheńberinde qosymsha qarajat bólinip, jas muǵalimder men dárigerler úshin taǵy 100 qaryzǵa lımıt ulǵaıtyldy, muǵalimder úshin 50 jáne dárigerler úshin 50.
Eske salsaq, Almaty qalasynyń ákimi Erbolat Dosaevtyń tapsyrmasy boıynsha jas muǵalimder men dárigerler úshin baǵdarlama aıasynda qosymsha qarjy bólindi jáne lımıt 100 zaımǵa ulǵaıtyldy: muǵalimder úshin – 50, dárigerler úshin – 50.
Baǵdarlama aıasynda nesıe berýdiń sharttary:
- zaımnyń eń joǵary somasy– 18 mln teńgege deıin;
- paıyzdyq mólsherleme – 5%;
- bastapqy jarna – 10%;
- bastapqy jáne qaıtalama turǵyn úı satyp alý múmkindigi;
- qamtý– 1 100 adamnan kem emes.
Qatysý úshin negizgi talaptar:
- Qatysýshynyń jasy 35 jasqa deıin (35 jasqa tolǵandardy qosa alǵanda),ótinish berý kezinde, jubaıynyń (zaıybynyń) jasyna qaramastan (bar bolsa). Baǵdarlamaǵa negizgi qatysýshy retinde erli-zaıyptylardyń bireýi ǵana qatysa alady;
- Úmitkerde jáne onyń otbasy múshelerinde menshik quqyǵynda turǵyn úıdiń, sondaı-aq Qazaqstan Respýblıkasynyń aýmaǵynda sońǵy 5 jyl ishinde turǵyn úı jaǵdaıynyń ádeıi nasharlaýy faktileriniń bolmaýy.
- Qatysýshynyń Almaty qalasynda kelesi sanattar boıynsha mindetti zeınetaqy aýdarymdarymen kem degende sońǵy 6 aı ishinde resmı jumys ótiliniń bolýy: densaýlyq saqtaý, bilim berý, mádenıet, sport, JOO-lar jáne ǴZI, jýrnalıser, áleýmettik sala, quqyq qorǵaý organdary jáne qalalyq komýnaldyq qyzmetteri.
Tolyq aqparat www.almaty-zhastary.kz saıtynda ornalastyrylǵan.
Anyqtama telefony: +7 (727) 225 14 57 (Almaty qalasy komýnaldyq ınfraqurylymdy damytý basqarmasy).