Qazaqstan Respýblıkasy men Koreı Respýblıkasy arasyndaǵy dıplomatıalyq qarym-qatynastardyń 30 jyldyǵy sheńberinde Almaty jáne Pýsan qalalarynyń arasynda dostyq pen yntymaqtastyq ornatý týraly memorandýmǵa qol qoıý rásimi ótti.
Memorandým túrli salalarda, onyń ishinde, ekonomıka, týrızm, mádenıet, bilim, shyǵarmashylyq ındýstrıa (kıno jáne sıfrlyq medıalar) salalarynda ózara yntymaqtastyqty kózdeıdi. Qujatqa Almaty qalasy ákiminiń orynbasary Álisher Ábdiqadyrov, sondaı-aq Pýsan qalasynyń ekonomıka jónindegi vıse-meri Lı Songvýn qol qoıdy, dep habarlaıdy Almaty-akshamy.kz.
Sondaı-aq, kezdesý sheńberinde Almaty qalasy kásipkerlik jáne ınvestısıalar basqarmasy men Pýsan qalasynyń ekonomıkasyn ilgeriletý agenttigi arasynda yntymaqtastyq týraly Kelisim jasaldy. Qujatqa Almaty qalasy Kásipkerlik jáne ınvestısıalar basqarmasynyń basshysy Berik Soltanbaev jáne Pýsan qalasynyń ekonomıkasyn ilgeriletý agenttigi Jahandyq bıznesti qoldaý departamentiniń dırektory Kım Djaegab qol qoıdy.
Pýsan qalasynyń delegasıasy Almaty qalasyna issaparmen «Eýrazıalyq ekspedısıa» sheńberinde keldi. Onyń negizgi mısıasy Eýropa men Azıanyń belgili bir elderimen dostyq qarym-qatynastar ornatý, jergilikti halyqpen mádenıet jáne bilim salasynda tájirıbe almasý, «EKSPO-2030» kórmesin (Pýsan qalasy) ilgeriletý sheńberinde Pýsan qalasynyń tanymaldylyǵyn arttyrý bolyp tabylady.