Máslıhat ekige bólindi
Búgin Taldyqorǵan qalasynda Almaty oblystyq máslıhatynyń kezekten tys 20-shy sesıasy ótti. Bul basqosýda eki oblystyń máslıhaty bekitildi, dep habarlaıdy Almaty-akshamy.kz Qazaqstan.tv-ge silteme jasap.
Jańa ǵana máslıhattyń kezekten tys 20 shy sesıasy aıaqtaldy. Máslıhat ekige bólindi. Jetisý oblysyna 19 depýtat, Almaty oblysyna 26 depýtat bekitildi. Dál osy sesıa aıaqtalǵannan keıin Jetisý oblystyq máslıhatynyń alǵashqy sesıasy ótip, hatshysy saılandy.
Sondaı aq máslıhattyń turaqty komısıalary quryldy. Depýtattar búgin shynymen de el tarıhyndaǵy erekshe kún ekenin atap ótip jyly lebizderin bildirdi.
Jetisý oblysynyń ákimshilik quramynda 8 aýdan jáne 2 qala qaldy. Jańa oblystaǵy 19 depýtat osy aýdandardyń ókilderi. Al, oblystyń basshysy kim bolatyny aldaǵy ýaqytta belgili bolmaq.