«Tarıfti ınvestısıaǵa aıyrbastaý» baǵdarlamasyn iske asyrý komýnaldyq ınfraqurylymdy jańartýǵa, jelilerdiń apattylyǵyn tómendetýge jáne komýnaldyq qyzmet qyzmetkerleriniń eńbek jaǵdaılaryn jaqsartýǵa yqpal etedi.
Óńirlik komýnıkasıalar qyzmetiniń brıfıńinde Ulttyq ekonomıka mınıstrligi Tabıǵı monopolıalardy retteý komıtetiniń Almaty qalasy boıynsha departamentiniń basshysy Ásel Bódeneevanyń aıtýynsha, 2029 jylǵa deıin ınfraqurylymnyń tozý deńgeıin aıtarlyqtaı tómendetý josparlanýda, dep habarlaıdy aqshamnews.kz.
Mysaly, 2024 jyly megapolıste sýmen jabdyqtaý júıeleriniń tozýy 1% – ǵa, sý burý-3% - ǵa azaıdy. Qazir jelilerdiń tozýy tıisinshe 54,5% jáne 53,8% quraıdy.
Ásel Bódeneevanyń aıtýynsha, baǵdarlamany iske asyrý komýnaldyq qyzmetkerlerdiń jalaqysyn arttyrýǵa baǵyttalǵan. Bul mamandardyń turaqtamaýyn tómendetýge múmkindik beredi, bul óz kezeginde apattardy joıýdy tezdetedi jáne qala turǵyndaryna qyzmet kórsetýdi jaqsartady.
«Baǵdarlamanyń áseri aıqyn. Biz jelilerdiń tozýy birtindep tómendep, apattylyq azaıyp, qyzmetkerlerimizge laıyqty eńbek jaǵdaılary jasalyp jatqanyn kóremiz. Bul qalanyń árbir turǵynyna paıda ákeletin keshendi jumys», – dep atap ótti ol.
Spıkerdiń aıtýynsha, ulttyq joba aıasynda 2030 jylǵa deıin elektr, jylý jáne sýmen jabdyqtaý salalaryndaǵy ınfraqurylymdy jańartýǵa sýbsıdıalar bólinetin bolady. Bul sharalar ınjenerlik jelilerdi jańartýǵa múmkindik beredi.