Almatydaǵy Almaty Hostel hostelinde bolǵan órt saldarynan 13 adamnyń qaza bolý oqıǵasy boıynsha is sotqa berildi, dep habarlaıdy aqshamnews.kz
İs Almaty qalasynyń Áýezov aýdandyq sotyna tapsyryldy. Sot kabınetinde jarıalanǵan málimetterge sáıkes, bul oqıǵaǵa qatysty eki adam aıyptalýda.
Birinshisi — hostel ıesi, ol burynǵy qarý-jaraq dúkenin hostelge aınaldyrǵan. Ekinshisi — órt qaýipsizdigi dabyl júıesine jaýapty fırmanyń basshysy
Esterińizge sala ketsek. Almatydaǵy Almaty Hostel-de oryn alǵan órt 2023 jyldyń 30 qarashasynda boldy. Órt úsh qabatty ǵımarattyń jertólesinen bastalyp, ol hostel retinde paıdalanylǵan bolatyn. Bul qaıǵyly oqıǵa saldarynan 13 adam kóz jumdy, olardyń kópshiligi ıis tıýden qaıtys bolǵan. Órt kezinde ǵımaratta 72 adam bolǵan, onyń 59-y ózdiginen evakýasıalana aldy. Órt bir saǵat ishinde óshirilgen.