Syranyń shyny bótelkesin syndyryp, polıseıge qaraı júgirdi
Eske salaıyq, osy jyldyń 26 shildesine qaraǵan túni áýe aılaǵynyń avtoturaǵynda úsh mas er adam tóbelesken bolatyn. Bul týraly polısıaǵa kóshede ótip bara jatqandar habarlaǵan.
«Tóbelesip jatqandar polısıa qyzmetkerleriniń talaptaryna agresıamen jaýap berdi. Olardyń biri – buryn sottalǵan 28 jastaǵy Ý.esimdi azamat syranyń shyny bótelkesin syndyryp, polıseıge qaraı júgirdi, ony soqqyǵa jyqqysy keldi. Aýyr qylmysty toqtatqan tártip saqshysy qyzmettik qarýynan aspanǵa eskertý oq atqan. Nátıjesinde, tóbeleske qatysýshylar ustaldy. Olar – Almaty jáne Túrkistan oblystarynyń turǵyndary. Olardyń ekeýi – buryn adam tonaǵany jáne bótenniń múlkin urlaǵany úshin sotty bolǵan. Quqyq buzýshylar QR QK-niń 293-baby 2-bóligi – buzaqylyqpen kvalıfıkasıalanǵan. Atalǵan derek boıynsha sotqa deıingi tergeý amaldary júrgizilýde», – dedi Almaty qalalyq Polısıa departamenti bastyǵynyń orynbasary Rústem Abdrahmanov.
Sotqa deıingi tergeý organy kúdiktilerge qatysty qamaýǵa alý bultartpaý sharasyn tańdaýdy surady. Ony Túrksib aýdanynyń prokýrory da qoldady. Tergeý soty qylmystyń úsh qatysýshysyn qamaýǵa alýǵa sanksıa berdi.