Ósimniń tek 40 paıyzy týý kórsetkishi esebinen kóbeıgen.
Almatynyń bas josparyn qoǵamdyq talqylaý barysynda ázirleýshiler qala turǵyndarynyń ósý boljamy týraly aıtty, dep habarlaıdy Almaty-akshamy.kz
Bas jospardy ázirleýshiler Almatyda halyq sany artady dep boljaǵan.
Almatynyń bas josparyn qoǵamdyq talqylaý barysynda ázirleýshiler qala turǵyndarynyń ósý boljamy týraly aıtty. Sáýletshilerdiń aıtýynsha, qala halqy negizinen mehanıkalyq ósim esebinen 60 paıyzǵa, ıaǵnı kelýshiler esebinen ósip jatyr, al ósimniń tek 40 paıyzy týý kórsetkishi esebinen - tabıǵı ósim.
«2014 jyly halyq sanynyń mehanıkalyq ósimi 134 000 adamǵa kóbeıgenin kórip otyrmyz. Ári qaraı, halyq sanynyń ósý qarqyny jalpy alǵanda birkelki boldy. Usynylǵan boljamdy halyq sanynyń basym bóligi tabıǵı ósim arqyly ósedi dep boljaımyz. Mehanıkalyq ósimniń azdaǵan tómendeýi bolady. Tabıǵı ósim 2021 jylǵy 47 paıyzdan 2050 jylǵa qaraı 60 paıyzǵa deıin artady», - deıdi bas jospardy ázirleýshi Tamara Zalogına.
Bas jospardy ázirleýshilerdiń boljamy boıynsha, 2030 jylǵa qaraı qala halqynyń sany 2,5 mıllıon adam bolsa, 2040 jylǵa qaraı 3 mıllıon adamǵa, 2050 jyly 3,6 mıllıon adamǵa jetedi.