Balalarǵa arnalǵan jazǵy demalysty uıymdastyrý aıasynda Almaty haıýanattar baǵynda jazǵy Zoomektep ashylady.
Jas tabıǵat zertteýshiler úıirmesine 9 jastan 16 jasqa deıingi balalar qatysa alady, dep habarlaıdy Almaty-akshamy.kz.
Zoomektepke túsý úshin balaǵa «Nelikten men Zoomektepte oqyǵym keledi» taqyrybynda esse jazyp, ony Almaty haıýanattar baǵynyń almatyzoo.lector@mail.ru elektrondyq poshtasyna 22 mamyrǵa jiberý qajet. İlespe hatta balanyń tegi, aty jáne jasy, sondaı-aq ata-anasynyń aty-jóni jáne baılanys telefony kórsetilýi kerek. Kirispe suhbattan ótkennen keıin bala maýsym aıynda bastalatyn jáne aptasyna eki ret eki saǵattan: dúısenbi/juma nemese seısenbi/beısenbiden bastalatyn sabaqtarǵa jiberiledi.
Zoomekteptegi sabaqtardyń ereksheligi janýarlar dúnıesin tereńirek zertteý jáne Almaty haıýanattar baǵyndaǵy janýarlarmen jumys isteýinde. Úıirmede jetkinshekter qatań saqtaýǵa tıis óz erejesi bar.
Negizgi sabaqtardan basqa, negizgi sabaqtarǵa táýeldi emes qosymsha sabaqtar – fakúltatıvter bar. Bıylǵy «Fantasıkalyq maqulyqtar jáne olardyń mekendeıtin jerleri» atty fakúltatıv taqyryptyq mereke aıasynda ótkiziledi.