Almaty haıýanattar baǵynda janýarlarǵa jańǵaq jınaý aksıasy jarıalandy.
Almaty qalasynyń Óńirlik komýnıkasıalar qyzmeti BAQ ókilderi úshin baspasóz týryn uıymdastyrdy, dep habarlaıdy Almaty-akshamy.kz
Haıýanattar baǵynyń ortalyq kireberisinde qabyldaý pýnkti ornalasqan, onda kez kelgen adam jınalǵan jańǵaqtaryn tapsyra alady. Munda jańǵaqtar ólshenedi jáne janýarlar jeıtin taǵamdar ákelgender týraly málimetter jazylyp alynady.
3 kg jańǵaq úshin bir bala haıýanattar baǵyna bılet alady, eresek adamǵa 7 kg jańǵaq úshin bılet beriledi. Bıletterdi 2023 jyldyń 31 jeltoqsanyna deıin paıdalanýǵa bolady.
«Qalalyq saıabaqtar men alańdarda jańǵaqtar pisti. Almatynyń kósheleri men trotýarlary úshin bul qoqys, al Almaty haıýanattar baǵynyń kóptegen janýarlary úshin qunarly kalorıaly azyq. Sondyqtan 5 qazannan 7 qarashaǵa deıin haıýanattar baǵy jyl saıynǵy «Jańǵaqty kúz» aksıasyn ótkizedi jáne qala turǵyndary men qonaqtaryna jańǵaqty daıyndaýǵa kómek surap júginedi», – dedi qoǵammen baılanys jáne damý bóliminiń basshysy Aqjamı Rahımova.
Aksıa sońynda haıýanattar baǵynyń qyzmetkerleri is-sharany qorytyndylap, jańǵaqty kóp jınaǵandy shaǵyn baǵaly syılyqtarmen jáne gramotamen marapattaıdy.
Mal azyǵyna tapsyrylatyn jańǵaqtar janýarlardy tamaqtandyrýǵa jaramdy jáne mynadaı talaptarǵa saı bolýy tıis:
- taza, pisken jáne qurǵaq bolýy kerek;
- túsi tabıǵı, kógermegen bolýy kerek,
- arasynda japyraq, tas, butaqtar men qoqys bolmaýy kerek,
Sondaı-aq, ýly hımıkattarmen jáne pestısıdtermen óńdelmegen bolýy kerek.
Eger haıýanattar baǵyndaǵy janýarlarǵa arnalǵan aksıa uıymdastyrylǵan birinshi jyly 3,5 tonna jańǵaq jınasa, 2016 jyly 7 tonna jınalyp, rekord oryndaldy. Bıyl qazan aıynyń basynan beri 473 keli jınaldy.
«Bul negizgi azyq emes, bul aksıa haıýanattar baǵyna kelýshilerdi tartý úshin jáne árbir kelýshiniń haıýanattar baǵynyń ómirine atsalysýshy retinde sezinýi úshán qolǵa alynǵan. Aksıa almatylyqtar arasynda keńinen taralǵany sonshalyq, qyrkúıek aıynyń basynan bastap turǵyndar jańǵaqtary jınap, kóp mólsherde ákeledi», - dep bólisti A.Rahımova.
Jınalǵan jańǵaqtarmen tuıaqty janýarlar qorektenedi: buǵy, elik, qaban, aqbóken, tipti túıeler men kerikter de jeıdi.
Baspasóz týry barysynda haıýanattar baǵynyń qyzmetkerleri shaǵyn ekskýrsıa ótkizip, jýrnalıserge janýarlardy qalaı tamaqtandyratynyn naqty kórsetti.