Aq aıý, zebralar, shımpanze, amýr jolbarystary jáne qar barysy
Almaty haıýanattar baǵy dırektorynyń veterınarıa bólimi jónindegi orynbasary Aǵybaı Ájibaev ÓKQ brıfıńinde 2023 jyldyń basynan bergi mańyzdy oqıǵalar týraly aıtyp berdi.
«Bıylǵy jyly óteýsiz negizde bizdiń haıýanattar baǵyna Pýrga esimdi urǵashy aq aıý berildi, sondaı - aq bizge grana zebrasynyń úsheýi, shımpanze men Amýr jolbarysy jáne qar barysy keldi», - dedi A.Ájibaev. Qazirgi ýaqytta 33 tól alyndy, onyń ishinde 4-eýi Qyzyl kitapqa engizilgen janýarlardan».
Almaty haıýanattar baǵynda sońǵy 18 jylda begemot tóldedi. Sondaı-aq haıýanattar baǵynyń jalpy tarıhynda alǵash ret shyǵys kolobýstan urpaq aldy. 2020 jyldan bastap haıýanattar baǵy jyl saıyn qaraqustardae balapan alyp otyr.
Sonymen qatar, haıýanattar baǵynda 9 jastan 15 jasqa deıingi balalarǵa arnalǵan zoomektep óz jumysyn jalǵastyrýda, oǵan 80 oqýshy qatysady. Bıyl 658 adamǵa 35 ekskýrsıa, sondaı-aq 700 balaǵa arnalyp Almaty creative HUB-ta 20 kóshpeli dáris ótkizildi.
Jetistikter qatarynda oqýshylar arasynda haıýanattar baǵynyń týǵan kúnine oraı Abaı atyndaǵy QazUPÝ-men birlesip ótkizilgen zoo olımpıada bar. Jaqynda EARAZA jyl saıynǵy halyqaralyq konferensıasy ótti. Konferensıaǵa álemniń 19 elinen 160 haıýanattar baǵynyń mamandary qatysty.