Almatyda jasyl jelekti kútip-baptaýmen aınalysatyn mekemeler kópjyldyq ósimdikter otyrǵyza bastady. Mundaı gúlder kompozısıa jasaýǵa yńǵaıly deıdi mamandar. Kóp uzamaı qalada oıý-órnek gúlmen kómkerilgen kilemsheler paıda bolady.
- Myna gúldiń aty - sınerarıa. Bul kilem gúlderdi 1 sharshy metrge 80-90 danadan egemiz. Bizde bul gúlder «kilem gúlderi» dep atalady. Bul gúlder qys túskenge deıin turady. Sınerarıa, salvıa, hlorofıtým, osy gúlderdi egip jatyrmyz. Jalpy, qala boıynsha bıyl 180 myń sharshy metr aýmaqqa gúl egiledi. Mamandardyń aıtýynsha, bir qala bolǵanymen, ár aýdannyń ózindik klımattyq ereksheligi bar. Gúldiń surpy da soǵan qaraı tańdalady. Gúlzardyń kóbi Medeý aýdanynda. Sebebi, bul jaqta ortaq qoldanystaǵy saıabaq pen aleıa kóp, - deıdi Dámesh Elshibekova.
- Bizde qala aýmaǵynda birjyldyq jáne kópjyldyq gúlzarlar otyrǵyzylady. 2019 jyldan bastap kópjyldyq gúlzarlardy kóbeıtip jatyrmyz. Bizde 2019 jyly kópjyldyq gúlzarlardyń kólemi 17 paıyz bolatyn. Qazir ol kólem 60 paıyzǵa deıin ósti. Kópjyldyq gúlzarlardy kóktem jáne kúz mezgilinde otyrǵyzamyz. Almatyda naýryz aıynda qyzǵaldaqtar búr jarady. Ony kúzde egip tastaıdy. Kópjyldyq ósimdikter surpyna qaraı erte kóktemnen sary kúzge deıin gúldeıdi. Raýshan, qalampyr, sary túımedaq, qońyraýgúl men sıagúl qalanyń ajaryn ashyp tur, - deıdi Ekologıa jáne qorshaǵan ortany qorǵaý basqarmasynyń mamany Nurken Aqmyrza.
Almatyda gúl otyrǵyzý jumystary maýsymnyń ortasyna deıin jalǵasady.