Birqatar qyzmetkerlerge úlgili qyzmet atqarǵany jáne qyzmettik boryshyn minsiz oryndaǵany úshin vedimistik nagradalar men merziminen buryn ataqtar berildi.
Táýelsizdik kúni qarsańynda İshki ister mınıstri Almaty garnızonynyń qyzmetkerleri men áskerı qyzmetshilerin – polısıa jáne qylmystyq-atqarý júıesi departamentteriniń, qalalyq kúzet qyzmetiniń, İİM Akademıasy men Kınologıalyq ortalyǵynyń, Ulttyq ulan qyzmetkerlerin jáne ardagerlerdi marapattady, dep habarlaıdy Almaty-akshamy.kz Polisia.kz saıtyna silteme jasap.
QR Prezıdentiniń Jarlyǵymen «Qazaqstan Respýblıkasynyń Táýelsizdigine 30 jyl» medalimen Almaty garnızonynyń 70-ten astam úzdik qyzmetkeri, sondaı-aq, ishki ister organdary men Ulttyq ulannyń ardagerleri marapattaldy.
«Elimizdiń qalyptasýy kezeńderinde ishki ister organdaryna mańyzdy ról berildi. Bizdiń árqaısymyz azamattardy jáne olardyń tynyshtyǵyn qorǵaý – bizdiń kásibı paryzymyz ekenin túsinýge mindettimiz. Elimizdiń ishki qaýipsizdigi bizdiń júıemizdiń jáne onyń árbir qyzmetkeriniń qyzmet nátıjelerine baılanysty», – dep atap ótti İshki ister mınıstri.
İİM salasynyń ardagerlerimen kezdesýde ol memlekettiń turaqtylyǵyn, azamattardyń qaýipsizdigi men zańdy múddelerin qamtamasyz etýdegi polısıanyń rólin atap ótti. Ardagerlerge ishki ister organdary júıesiniń qalyptasýy men damýyna qosqan úlesi, qyzmetine adaldyǵy jáne jas mamandardy tárbıelegeni úshin alǵys aıtty.