«Jumysshy mamandyqtar qalasy» festıvalinde Almaty energetıka jáne elektrondy tehnologıalar kolejiniń stýdentteri ózderi ázirlegen avtonomdy jylytý jáne ystyq sýmen jabdyqtaý júıesin tanystyrdy.
Ol ortalyqtandyrylǵan jelilerden derbes jumys isteıdi, energıanyń joǵary tıimdiligi men ekologıalyq tazalyqty qamtamasyz etedi, dep habarlaıdy aqshamnews.kz.
Avtomatty basqarý júıesiniń arqasynda temperatýra joǵary dáldikpen retteledi, bul jylý shyǵyndaryn azaıtýǵa jáne jaılylyq deńgeıin arttyrýǵa múmkindik beredi. Zamanaýı tehnologıalarmen jumys jasaı otyryp, stýdentter ózekti ınjenerlik sheshimderdi meńgerip qana qoımaı, bolashaq kásibı qyzmet úshin qajetti praktıkalyq tájirıbe alady.
«Bul joba teorıalyq bilimdi is júzinde qalaı qoldanýǵa bolatyndyǵyn naqty kórsetedi. Biz jaı ǵana oqyp jatqan joqpyz — naqty jumys jaǵdaılaryna daıyndalyp jatyrmyz, oqýdy bitirgennen keıin bizdiń túlekterimiz óndiriske daıyn maman bolyp barady», — deıdi kolej stýdenti Qyryqbaı Alpamys.
Mundaı bastamalar oqýshylardyń bilimin arttyryp qana qoımaı, olardyń kásibı quzyretterin damytady. Inovasıalyq tehnologıalarmen jumys tájirıbesi stýdentterdiń zamanaýı ónerkásiptiń talaptaryna beıimdelýine yqpal etedi.