№11 qalalyq emhananyń bas dárigeri Maıra Júnisova Almaty emhanalarynda stomatologıalyq kómekti kimge jáne qalaı alýǵa bolatynyn aıtyp berdi, dep habarlaıdy Almaty-akshamy.kz.
Onyń aıtýynsha, 18 jasqa deıingi balalar men júkti áıelder emhanada MÁMS paketinde josparly túrde tegin stomatologıalyq qyzmetterdi ala alady. Olar úshin anestezıa, jaqtyń nemese tistiń rentgenografıasy, tisti julý, preparattaý jáne plomba salý, perıostotomıa, pýlpıt, perıodontıt, stomatıttiń, alveolıttiń ótkir túrlerin emdeý, absessti ashý sıaqty qyzmetteri kórsetiledi.
MÁMS paketinde shuǵyl stomatologıalyq qyzmetterdi alýǵa bolady. Ony 18 jasqa deıingi balalar, júkti áıelder, UOS qatysýshylary jáne olarǵa teńestirilgen adamdar, I, II, III toptaǵy múgedekter, "Altyn alqa" jáne "Kúmis alqamen" marapattalǵan kóp balaly analar, ataýly áleýmettik kómek alýshylar, jasy boıynsha zeınetkerler, ınfeksıalyq jáne áleýmettik mańyzy bar aýrýlarmen aýyratyn jáne erekshe qajettilikteri bar balaǵa nemese I toptaǵy múgedek balaǵa kútim jasaıtyndar, jumys istemeıtin qazaqstandyqtar talap ete alady.
"Mysaly, bizdiń emhanada tildiń frenýlýmy plasıkasy, joǵarǵy jáne tómengi erinniń frenýlýmyn bekitý anomalıasy, tisterdi julý, ótkir tisterdi, ashý jaq-bet aımaǵynyń ótkir, irińdi qabyný aýrýlaryn ashý sıaqty hırýrgıalyq stomatologıalyq aralasýlar jergilikti anestezıamen júrgiziledi. Osy is-sharalardyń barlyǵyn ótkizý úshin bizde tutas stomatologıalyq bólimshe bar, onda 15-ke jýyq maman jumys isteıdi ári bólimshe barlyq qajetti qymbat qural-jabdyqpen qamtamasyz etilgen. Mamanǵa barý úshin emhananyń qabyldaý bólimine habarlasyp, qabyldaýǵa jazylý kerek", - dep atap ótti Maıra Júnisova.
Esterińizge sala keteıik, emhana MÁMS aıasynda halyqqa medısınalyq qyzmet kórsetý ortalyǵy bolyp sanalady.