Mádenıet jáne sport mınıstrligi Qazaqstandaǵy úzdik bes týrısik qalanyń tizimin jasady
5-ORYN. AQTAÝ
Úzdik bestikti qart Kaspııdiń aqmarjany – Aqtaý qalasy ashady. Bıyl qańtar-sáýir aralyǵynda Aqtaýǵa 220 660 qonaq kelgen.
Al, jazǵy maýsymǵa qaraı, týrıser tarapynan Mańǵystaý oblysynyń ortalyǵyna qyzyǵýshylyq 20%-ǵa deıin artyp otyr.4-ORYN. ATYRAÝ
Atyraý qalasy da týrıser sany boıynsha úzdikter qatarynda. 2023 jyldyń alǵashqy tórt aıynda qalaǵa 305 460 qonaq kelgen. Mamyr aıynda Mádenıet jáne sport mınıstrliginiń qoldaýymen óńirde «Saraıshyq» vızıt-ortalyǵy ashyldy.
Munda týrıserge Qazaq handyǵy, Altyn Orda jáne ejelgi dáýirdegi qalashyq tarıhymen tanysýǵa barlyq jaǵdaı jasalǵan.
Demek, jazǵy maýsymda Atyraýǵa kelýshiler sany artady.
3-ORYN. SHYMKENT
Qonaqjaılyǵy boıynsha eshkimge ese jibermeıtin Shymkent týrıser sany jaǵynan da kósh basynda. Qańtar-sáýir aralyǵynda shyraıly shaharǵa 346 280 adam saıahattap barǵan.
Munda kez kelgen týrıs kóńili qalaǵan demalysty tańdaı alady.
Kıeli-tarıhı oryndarǵa saıahat, shıpaıjaıdaǵy demalys nemese qalada jıi uıymdastyrylatyn sporttyq, mádenı-buqaralar is-sharalarǵa qatysýǵa bolady.
2-ORYN. ASTANA
Astana – ákimshilik-iskerlik ortalyq qana emes, týrıser jıi tańdaıtyn basym baǵyttardyń biri. 2023 jyldyń alǵashqy tórt aıynda ǵana Astana 951 750 meımandy qabyldaǵan.
Búginde Mádenıet jáne sport mınıstrliginiń qoldaýymen elorda irgesinde elimizdegi eń úlken ashyq aspan astyndaǵy mýzeı qurylysy júrip jatyr.
Bozoq – bas qalanyń týrısik boıtumary retinde qonaqtar mindetti túrde tamashalaýǵa baratyn orynǵa aınalady.
1-ORYN. ALMATY
Taý-shańǵy kýrorttary, sulý tabıǵat, qolaıly klımat pen qonaqjaılylyq. Osy jáne basqa da artyqshylyqtary bar Almaty elimizdegi biregeı týrısik qala.
Bıylǵy jyldyń alǵashqy tórt aıynda ońtústik megapolıske 1 185 130 adam saıahattap kelgen. Almatyǵa ásirese sheteldik týrıser jıi toqtaıdy.
Mádenıet jáne sport mınıstrligi óńirdiń týrısik áleýetin tolyq iske asyrý maqsatynda sheteldik týroperatorlarmen belsendi jumys júrgizip jatyr.
2023 jyldyń alǵashqy tórt aıynda Qazaqstanda 3,5 mln adam el ishinde saıahattaǵan. Bul ótken jyldyń sáıkes kezeńimen salystyrǵanda 36% - ǵa artyq. Mádenıet jáne sport mınıstrligi ishki týrızmdi yntalandyrýǵa arnalǵan birneshe baǵdarlama ázirlep, iske qosty. Mysaly, Kids go Free baǵdarlamasy boıynsha qazaqstandyqtar el ishindegi otbasylyq demalysty tıimdi josparlap, týroperatorlardan týrısik paket satyp alǵanda 30%-ǵa deıin qarajat únemdeı alady.