Almaty - eldiń shıkizattyq emes sektoryndaǵy ınvestısıalar boıynsha basty haby
Bul týraly Ortalyq komýnıkasıalar qyzmetinde ótken brıfıń barysynda Almaty ákimi Erbolat Dosaev málim etti, dep habarlaıdy aqshamnews.kz
Qabyldanyp jatqan sharalardyń arqasynda búginde Almaty – shıkizattyq emes sektordaǵy ınvestısıalar jónindegi eldiń basty haby. Aǵymdaǵy jyldyń 11 aıynda Almatyda negizgi kapıtalǵa 1,5 trln teńge ınvestısıa tartyldy.
Investısıalardyń eń kóp ósýi óńdeý ónerkásibinde (2 ese, úlesi – 6,8%), bilim berýde (+61,1%, úlesi – 5,3%), elektrmen jáne jylýmen jabdyqtaýda (+54,7%, úlesi - 3,8%), kólikte (+32,5%, úlesi – 15,6%), densaýlyq saqtaýda (+26,3%, úlesi-4,3%), sýmen jabdyqtaý jáne sý burý (+21,0%, úlesi – 2,0%).
"Bul ekonomıkanyń basym salalaryn damytý úshin ınvestısıalar qurylymynyń sapaly ózgerýin rastaıdy", - dep atap ótti Erbolat Dosaev.
Qala ekonomıkasynyń qarqyndy damýyn jáne jergilikti búdjet kiristeriniń aıtarlyqtaı ósýin eskere otyryp, 2024 jylǵy 6 jeltoqsanda Fitch Ratings Almatynyń "VVV+" deńgeıindegi derbes kredıttik reıtıńin, "Turaqty" boljamyn rastady.
"Jalpy, biz qala ekonomıkasyna 2024 jyly 2 trln teńge jáne 2025 jyly 2,3 trln teńge tartýdy josparlap otyrmyz", - dedi qala basshysy.