Boljam boıynsha, indetke shaldyqqandar sany 10-11 tamyz aralyǵynda ósýi yqtımal.
Densaýlyq saqtaý salasyndaǵy boljaý toby "Koronavırýs dertine shaldyqqan almatylyqtardyń sany táýligine 800-840 adamǵa jetýi múmkin" dep boljap otyr, dep habarlaıdy Almaty-akshamy.kz.
Almaty qalasy qoǵamdyq densaýlyq basqarmasynyń basshysy Narıman Tabynbaev Óńirlik komýnıkasıalar qyzmetiniń alańynda «Almaty qalasynda «delta» shtamynyń taralýyna baılanysty epıdemıologıalyq jaǵdaıdyń asqynýy týraly» taqyrybynda ótken onlaın baspasóz-konferensıasy barysynda koronavırýs indeti aldaǵy aıdyń 10-11 kúnderi órshı túsýi múmkin degendi aıtty.
«Bizde boljam jasaıtyn arnaıy top bar. Olar aldaǵy úsh aıǵa boljam jasap bergen. Biz sol boljam boıynsha jumysymyzdy kúsheıtip, árekettenip jatyrmyz. Olardyń boljamy boıynsha, SOVID-19 indetin juqtyrýshylar sany tamyz aıynyń 10-11 kúnderi aralyǵynda kóbeıedi. Qazirgi kezde kúnine 400-420 adam tirkelse, tamyz aıynda bul kórsetkish 800-840 deıin kóbeıýi yqtımal. Bizde túrli boljamdar bar, bir boljam pesımısik bolsa, ekinshi boljam optımısik. Biz barlyq jaǵdaıǵa daıyndalyp jatyrmyz», -dedi Narıman Tabynbaev.
Dárigerdiń aıtýynsha, qazirdiń ózinde jaǵdaı qıyn bolyp tur, biraq jaǵdaı kúrdelenetin bolsa, aýrýǵa tótep berý úshin qosymsha tósek-oryndar daıyndalyp jatyr. Osy maqsatta medbıkerler men tazalyqshylarǵa arnaıy kýrsttar uıymdastyrylyp, dáriger mamandyǵy boıynsha bilim alyp júrgen stýdentterdi daıyndap jatyr.