Fransýz damý ınstıtýtymen yntymaqtastyq týraly memorandým kreatıvti ındýstrıanyń 9 salasyn qamtıdy.
2024 jylǵy 4 qarashada Parıjde Memleket basshysynyń sapary kezinde Almaty Creative jáne fransýz damý ınstıtýty yntymaqtastyq týraly memorandýmǵa qol qoıdy. Seriktestik qazaqstandyq kreatıvti sala ókilderine tájirıbe almasý, oqytý jáne kásibı baılanystardy keńeıtý úshin platforma usyna otyryp, mádenı jáne shyǵarmashylyq ındýstrıalardy damytýǵa baǵyttalǵan.
Yntymaqtastyq aýdıovızýaldy sektor jáne kıno, oryndaýshylyq óner, mýzyka, dızaın, sáýlet, qolóner, sıfrlyq shyǵarmashylyq (beıne oıyndar, ımmersıvti tájirıbe), ádebıet jáne sán sıaqty negizgi baǵyttardy qamtıdy. Memorandým sheńberinde qazaqstandyq mamandar úshin biregeı múmkindikter berilip, festıváldar, kórmeler, sheberlik synyptary, konferensıalar, sondaı-aq rezıdensıalar men kásibı kezdesýler uıymdastyrylady.
«Biz, shyǵarmashylyq mamandarymyz shabyt alyp qana qoımaı, damı alatyn, óz jobalaryn halyqaralyq deńgeıde júzege asyratyn jáne eldiń ekonomıkasy men mádenı ómirine úles qosatyn jaǵdaı jasaýǵa tyrysamyz. Fransýz ınstıtýtymen yntymaqtastyq - bul Qazaqstannyń álemdik kreatıvti qoǵamdastyqqa ıntegrasıalanýyndaǵy mańyzdy qadam», - dep atap ótti Almaty creative ónerkásipti damytý departamentiniń dırektory Sholpan Mahmýdova.
Fransıanyń damý ınstıtýtynyń ókili Mod Jırý (Maud Girout) aıtyp ótkendeı, memorandým sonymen qatar Fransıa men Qazaqstan arasyndaǵy mádenı yntymaqtastyqty keńeıtýge jáne ekonomıkalyq baılanystardy nyǵaıtýǵa múmkindik beredi.
«Biz qazaqstandyq mamandarmen yntymaqtastyqta mádenı jáne iskerlik baılanystardy nyǵaıtýǵa jáne kreatıvti jobalar úshin jańa perspektıvalar ashýǵa kómektesetin úlken áleýetti kórip otyrmyz. Bizdiń ortaq kúsh-jigerimiz turaqty damý men ınklúzıvtilikke baǵyttalǵan, al bul, óz kezeginde tabysty jáne uzaq merzimdi seriktestiktiń negizi bolady», - dep atap ótti Jırý.