«Almaty – bizdiń ortaq úıimiz» aksıasy aıasynda barlyq oqý oryndarynda «Mektep aýlasynyń oazısi» landshaft dızaın festıvali ótti.
215 mekteptiń aýlalarynda abattandyrý jumystary aıasynda 5-11 synyp oqýshylary 20 myń gúl, 430-dan astam jemis aǵashtary, 200-den astam týı aǵashyn otyrǵyzdy, dep habarlaıdy almaty-akshamy.kz.
Oqýshylar oqý ǵımarattarynyń aýlalaryn ádemi jáne tartymdy etý úshin belsendi jumys jasady.
«Biz kóp ýaqytymyzdy mektepte ótkizemiz, sondyqtan aýlamyzdyń ádemi jáne kóz tartarlyq bolýy óte mańyzdy. Biz ózimiz otyrǵyzǵan, sýarǵan jáne kútken gúlder men aǵashtardyń ósip jatqanyn kórgende qýanamyz. Olardy kórý úshin kún saıyn mektepke asyǵamyz», - dedi № 199 mamandandyrylǵan gımnazıa oqýshysy Lıa Agentova.
«Mektep aýlasynyń oazısi» úzdik jobalarynyń jeńimpazdary 24 sáýirde Stýdentter saraıyndaǵy ekologıa jáne bıologıa ortalyǵynda ótetin «Qyzǵaldaqtar» festıvalinde marapattalady.
Mektep aýlasy-bul oqý ornynyń kórsetilim kartasy. Onyń syrtqy túri mektepke kelýshi jaqsy áser etýi tıis.
Mekteptiń saýatty jáne qyzyqty kógaldandyrylǵan aýlasy onyń oqýshylary men muǵalimderiniń bedelin arttyrady, barlyǵynyń kóńil-kúıin kóteredi. Sondaı-aq adam densaýlyǵyna oń áser etedi.
Esterińizge sala keteıik, 8 sáýir men 8 mamyr aralyǵynda Almatyda «Almaty – bizdiń ortaq úıimiz» naýqany ótip jatyr. Árbir turǵyn qalanyń damýy men abattandyrylýyna óz úlesin qosa alady.
Barlyq aqparat almaty.kz saıtynda, Almaty ákimdiginiń áleýmettik jelilerinde ornalasqan. Sondaı-aq, veb-saıtqa arnaıy QR-kod arqyly qala boıynsha ornalastyrylǵan bannerlerde, plakattarda jáne afıshalarda kirýge bolady.
Naýqannyń belsendi qatysýshylaryna arnalǵan áleýmettik jelidegi heshtegter: #AlmatyNashObshııDom, #NasMnogoGorodOdın, #AlmatyBizdińOrtaqÚıimiz, #BizKóppizQalajalǵyz.
