«Almaty - bizdiń ortaq úıimiz» naýqany aıasynda Bostandyq aýdanynyń komúnıtı ortalyǵynda «Pecha-Kýcha» formatynda belsendi jastardyń kezdesýi ótip, mańyzdy ekologıalyq máseleler talqylandy.
Kezdesýde jastar ekologıany jaqsartýǵa baǵyttalǵan jobasyn usyndy, sondaı-aq ıdeıasy men pikirin bólisti. İs-sharaǵa qalamyzdyń 11 JOO stýdentteri qatysyp, 11 ekojobany usyndy. Olardyń arasynda qatty qaldyqtardy qaıta óńdeýge, tamaq qaldyqtaryn bıotyńaıtqyshqa aınaldyrýǵa, qaıta óńdelgen plasık qaldyqtarynan turmystyq zattardy óndirýge, kóshet otyrǵyzý men janýarlardy qorǵaýǵa qatysty jobalar boldy.
«Pecha-Kýcha»-da biz avtorlyq shamdardy jasaýdy qamtıtyn «ReCyGlass» jobasyn tanystyrdyq. Shyny bótelkelerdi qaıta óńdep, olardy biregeı dızaıny bar shamdarǵa aınaldyramyz. Joba qorshaǵan ortaǵa teris áserdi azaıtýmen qatar, lastaný máselesine jáne turaqty tutyný tájirıbesine kóshý qajettiligine nazar aýdarady. Sondaı-aq, uıymdastyrýshylarǵa osyndaı jańa formattaǵy is-sharalar ótkizgeni úshin alǵysymyzdy bildirgimiz keledi, ol jerde biz ıdeıalardy bólise alamyz», - dedi Narhoz ýnıversıteti ekologıa fakúltetiniń 4 kýrs stýdenti Saıa Kúnshasheva.
İs-shara jastar arasynda ekologıalyq sanany arttyrýǵa jáne ekologıalyq bastamalardy damytýǵa baǵyttalǵan.
Aıta ketý kerek, bul is-shara Almatynyń Medeý jáne Alataý aýdandarynyń komúnıtı ortalyqtarynda da ótti.
Esterińizge sala keteıik, 8 sáýirde «Almaty – bizdiń ortaq úıimiz» naýqany bastaldy. Árbir turǵyn qalany damytý men kórkeıtýge úles qosa alady.
Tolyq aqparat almaty.kz saıty men Almaty ákimdiginiń áleýmettik jelilerindegi paraqshalarynda jarıalanady. Sondaı-aq, qaladaǵy banner, plakat jáne afıshalardaǵy arnaıy QR-kod arqyly veb-saıtqa kirýge bolady.
Naýqannyń belsendi qatysýshylaryna arnalǵan áleýmettik jelidegi heshtegter: #AlmatyNashObshııDom, #NasMnogoGorodOdın, #AlmatyBizdińOrtaqÚıimiz, #BizKóppizQalajalǵyz.