Almaty qalasynyń 2025 jylǵa deıingi damý baǵdarlamasy jáne 2030 jylǵa deıingi orta merzimdi perspektıvalar.
QR Prezıdenti janyndaǵy Ortalyq komýnıkasıalar qyzmetiniń aqparattyq alańynda Almaty ákimi Erbolat Dosaevtyń qatysýymen baspasóz máslıhaty ótip jatyr. Onda qala ákimi Almatynyń jyl basynan bergi áleýmettik-ekonomıkalyq damýy týraly esep berýde, dep habarlaıdy Almaty-akshamy.kz
Almaty ákiminiń sózinshe, 2022 jyldyń qyrkúıeginde Almaty qalasynyń Máslıhaty Almaty qalasynyń 2025 jylǵa deıingi damý baǵdarlamasyn jáne 2030 jylǵa deıingi orta merzimdi perspektıvalardy bekitti.
Baǵdarlamada (1) Qolaıly qalalyq orta, (2) Turaqty ekonomıkalyq ósim, (3) Basqarylatyn ýrbanızasıa, (4) Áleýmettik turaqtylyq jáne ornyqtylyq, (5) Jasyl Almaty, (6) Almaty – smart-sıtı, (7) Qaýipsiz qala sıaqty 7 basym baǵyt aıqyndalǵan.
Memleket basshysynyń ótken jylǵy 16 qarashada qalamyzdy odan ári damytý jónindegi tapsyrmalaryn eskere otyryp, jeltoqsan aıynda Jol kartalary bekitildi. Ol Damý baǵdarlamasyn tabysty iske asyrýdyń negizgi qadamdaryn qamtıdy. Búginde Almaty qalasynyń Jobalyq ofısi bazasynda 9 Jol kartasyn is júzinde júzege asyrý qarqyndy júrgizilýde.
«Basym baǵyttar boıynsha barlyǵy 476 jobanyń 275-i (57,7%) iske asyrý satysynda tur. Bul jobalar qalanyń barlyq aýdandarynda jaıly qalalyq orta qurý jáne almatylyqtardyń ómir súrý sapasyn arttyrýǵa baǵyttalǵan.
Bizdiń maqsatymyz – Almatyny básekege qabiletti ekonomıkasy bar halyqaralyq deńgeıdegi jaıly jáne qaýipsiz qalaǵa aınaldyrý», - dedi Almaty ákimi Erbolat Dosaev.