Almaty komýnaldyq avtoparkine qala ákimi Erbolat Dosaevtyń tapsyrmasymen bıyl satyp alynǵan gazben júretin jańa avtobýstary kelip jatyr.
Jazda jelige 100 jańa avtobýs shyǵaryldy. Qazir taǵy 500 jańa avtobýs rásimdelip, daıyndaldy. Daıyn bolǵan kezde olar jolaýshylar eń kóp júretin marshrýttarǵa shyǵady. Mysaly, 2024 jyldyń qańtarynda №63, №28, №14, №92, №120, №120A, №79, №50 jáne t.b. marshrýttardy kúsheıtý josparlanǵan.
Buǵan qosa, troleıbýs parkine 100 troleıbýs satyp alyndy, qazir olar jolaýshylar tasymalyn shyqqan. Ári jeke tasymaldaýshylar turaqty negizde jańa jyljymaly birlikterdi satyp alýda, bıyl 550 avtobýsqa arnalǵan jyljymaly quram jańartyldy. Osylaısha, 2023 jyldyń sońyna qaraı qoǵamdyq kóliktiń ekologıalyq otyn túrindegi úlesi 53%-ǵa jetti.
Esterińizge sala keteıik, bıyl jyl basynan beri 22 jańa baǵyt uıymdastyrylyp, 205 avtobýs tartylyp, 364 avtobýs esebinen 24 marshrýttaǵy jyljymaly quram jańartyldy. Bul rette, orta eseppen táýligine jolaýshylar aǵyny 1,2 mln-nan 1,5 mln jolaýshyǵa deıin ósti.