Byltyr 4 myń qazaqstandyq AITV juqtyrǵan.
Densaýlyq saqtaý mınıstri Almatynyń Ortalyq qalalyq klınıkalyq aýrýhanasyndaǵy AITV ınfeksıasyn juqtyrýǵa qatysty pikir bildirdi, dep habarlaıdy Almaty-akshamy.kz
Ajar Ǵınıat aqparat mınıstrlikke jetkenin aıtty. Endi dárigerler ınfeksıa aýrýhana ishinde tarap ketýin boldyrmaýǵa tyrysyp jatyr.
"Tekserýden ótken boıda biz tolyq aqparat beremiz. Endi tolyq epıdemıologıalyq tekserý júrgizip, ınfeksıanyń oshaǵyn, juqtyrý jolyn, aýrýhanaishilik ınfeksıa bolǵan-bolmaǵanyn túsinýimiz kerek. Ol jerge mınıstrlik pen komıtetter jiberildi", dedi Ajar Ǵınıat.
Ol 2022 jyly 4 myń qazaqstandyq AITV juqtyrǵanyn aıtty. 2021 jyly 3,5 myń jaǵdaı tirkelgen edi.
Keshe Almatynyń JITS ortalyǵynyń mamandary Almaty qalasynyń Ortalyq qalalyq klınıkalyq aýrýhanasynan AITV juqtyrǵan úsh jaǵdaıdy anyqtaǵan edi.
Anyqtalǵan faktiler negizinde Almaty qalasy ÝOH-tyń 2 maýsymdaǵy buıryǵymen bólim basshysynyń orynbasary men qalalyq JITS ortalyǵynyń qyzmetkerleriniń tóraǵalyǵymen komısıa quryldy.