Onyń ishinde 110 bala emdelip jatyr.
Almatyda COVID-19 juqtyrǵan 1 554 naýqas em qabyldap jatyr, dep habarlaıdy Almaty-akshamy.kz qalalyq qoǵamdyq densaýlyq basqarmasynyń baspasóz qyzmetine silteme jasap.
6 aqpandaǵy aqparat boıynsha, bir táýlikte qalada 1146 adam koronavırýs juqtyrǵan. Barlyq emdelip shyqqandar – 33, kelip túskeni – 97.
«Infeksıa stasıonarlarynda 1 554 adam bar (tósek-oryn 3310 ). Onyń ishinde 110 bala emdelip jatyr», – delingen qoǵamdyq densaýlyq saqtaý basqarmasynyń baspasóz qyzmetiniń habarlamasynda.
Sondaı-aq, reanımasıa jáne qarqyndy terapıa bóliminde 114 adam jatyr.
Al 24 naýqas jasandy tynys alý apparatyna qosylǵan.
Invazıvti emes jasandy tynys alý apparatynda 38 adam em qabyldaýdy jalǵastyrýda. High flow-da 27 apparat jumys isteıdi.
Medısınalyq-sanıtarıalyq alǵashqy kómek mobıldi brıgadalarynyń jáne Telemedısına ortalyǵynyń ambýlatorıalyq baqylaýynda 8553 pasıent bar.
Onyń ishinde indet belgileri bar, ortasha aýyr jaǵdaıda – 8 016 naýqas, sımptomsyz 537 naýqas bar.