Almaty qalasynyń Avıasıalyq kólik prokýratýrasy zańsyz shyǵarylǵan memlekettik aktıvterdi qaıtarý jónindegi jumys sheńberinde Almaty halyqaralyq áýejaı jolaýshylar termınalynyń komersıalyq úı-jaılaryn jeke tulǵalardyń paıdasyna zańsyz ıelikten shyǵarǵanyn anyqtady.
Bul týraly Bas kólik prokýratýrasy málimdedi, dep habarlaıdy Almaty-akshamy.kz QazAqparatqa silteme jasap.
Máselen, 2003 jyly «Imstalkom» AQ Almaty qalasy ákimdiginiń tapsyrysy boıynsha jańa jolaýshylar termınalyn saldy. Qurylys aıaqtalǵannan keıin jańartylǵan termınaldyń saýda alańdarynyń bir bóligi merdigerge shart boıynsha 333 mln teńge mólsherinde qalǵan somany óteý esebine ótti.
Sonymen qatar, İshki memlekettik aýdıttiń nátıjesi boıynsha qurylys salýshy aldynda qandaı da bir bereshek bolmaǵany belgili boldy.
Ákimdikke osy obektilerge menshik quqyǵyn qaıtarý úshin avıasıalyq kólik prokýratýrasy Túrksib aýdandyq sotyna jaýapker A.Baqtıarqyzyna jalpy aýdany 1 118,5 sh.m. jolaýshylar termınalynyń komersıalyq úı-jaılaryn ıelikten shyǵarýǵa baılanysty barlyq mámlelerdi jaramsyz dep taný týraly talap aryzben júgindi.
Sottyń 29.12.2022 jylǵy sheshimimen prokýratýranyń talap-aryzy tolyq kólemde qanaǵattandyryldy. Sot aktisi aǵymdaǵy jyldyń 13 naýryzynda kúshine endi.
«Búgingi tańda sottyń sheshimin oryndaý aıasynda menshik quqyǵyn Almaty qalasy ákimdigine tirkeý «Azamattarǵa arnalǵan úkimet» AQ boıynsha, al Ádilet departamentimen obektilerdi memleket paıdasyna tikeleı berý jumystary bastaldy», - delingen Bas kólik prokýratýrasynyń baspasóz qyzmeti taratqan habarlamada.