Jalpy oryndalǵan jumys kólemi 60 paıyzǵa teń
QR Azamattyq avıasıa komıtetiniń tóraǵasy Talǵat Lastaev Almaty áýejaıyndaǵy jańa termınal qurylysyna qansha qarjy jumsalatynyn aıtty, dep habarlaıdy Almaty-akshamy.kz Zakon.kz-ke silteme jasap.
Onyń aıtýynsha, qazir tórt jobanyń qurylysy júrip jatyr.
"Atap aıtqanda, Almaty áýejaıynda 200 mıllıon dollardan astam qarjyǵa jańa halyqaralyq termınaldyń qurylysy júrip jatyr. Aldaǵy jazda paıdalanýǵa beriledi dep kútilip otyr. Jalpy oryndalǵan jumys kólemi 60 paıyzǵa teń", -dedi Talǵat Lastaev.
Sonymen qatar jeke ınvestısıa esebinen Shymkent jáne Qyzylorda áýejaılarynda jańa jolaýshylar termınaldarynyń qurylysy júrip jatyr, al úkimet rezervi esebenine Qostanaı áýejaıy termınalyn teleskopıalyq baspaldaq ornatý jáne kelý zalyn salý arqyly qaıta jańǵyrtý jumystary júrgizilip jatyr.
Sondaı-aq, Memleket basshysynyń tapsyrmasy boıynsha Pavlodar áýejaıynyń ushý-qoný jolaǵyn jáne taksı jolyn, Balqash áýejaıynyń perronyn qaıta jańartý máselesi pysyqtalýda.