Almaty áýejaıynyń jańa halyqaralyq termınalyna alǵash kelgen jolaýshylar óz áserlerimen bólisti, dep habarlaıdy almaty-akshamy.kz
Almaty turǵyny Evgenıa Kýfeldt otbasymen birge jańa termınal arqyly Dohaǵa ushyp shyqty. Ol balalaryn oqý jylynyń aıaqtalýymen jáne jazǵy demalystyń bastalýymen quttyqtaý úshin osy sapardy uıymdastyrǵanyn aıtty.
"Biz jańa termınaldyń alǵashqy jolaýshylary boldyq. Jańa, salqyn, ádemi, taza. Bul óte jaıly. Oryn kóp, yńǵaıly. Kóp raqmet! Bizdiń qalamyzdaǵy mundaı jaıly jerler turǵyndar úshin kóbirek bolady dep úmittenemin," - dedi Evgenıa.
Almatylyq Nurlan Myrzagúl de otbasymen birge Dohaǵa ushyp bara jatqanyn jáne Katarǵa alǵash ret ushatynyn aıtty.
"Ekinshi termınal áýejaıynyń ashylýymen sáıkes keldi. Óte baqyttymyn. Áýejaı óte ádemi, bárine unaıdy. Barlyǵy sypaıy, jaqsy. Eshqandaı kezek joq. Dızaın keremet, salqyn, sheteldik, eýropalyq úlgide. Bári yńǵaıly," - dedi ol qýanyshpen.
London-Almaty reısiniń jolaýshysy Karlos Santos Almatyǵa demalys kúnderi týystarymen birge ushyp keldi. Bul onyń bizdiń qalaǵa alǵashqy sapary, al alǵashqy áserleri umytylmastaı boldy.
"Óte ádemi, barlyǵy keremet, jaqsy qarsy aldy. Estelikke syılyqtar berdi. Bul óte keremet. Men mundaı qonaqjaılylyqty kútpedim. Áýejaıda mundaıdy áli kezdestirgen emespin," - dedi týrıs.
Jańa halyqaralyq termınal óz jolaýshylaryna zamanaýı dızaın, yńǵaıly ınfraqurylym jáne joǵary deńgeıdegi qyzmet kórsetý usyna otyryp, Almaty áýejaıynyń bedelin arttyrýda.