2023 jyl Tav Airports Holding kompanıasy basqaratyn jáne qyzmet kórsetetin Halyqaralyq Almaty áýejaıy úshin rekordtyq jyl boldy.
Jolaýshylar aǵyny segiz mıllıon adamǵa jetti, dep habarlaıdy Almaty-akshamy.kz Kólik mınıstrligine silteme jasap.
Oral-Almaty baǵyty boıynsha KC 882 reısimen ushyp kelgen Manabaev Qaırat 8 mıllıonynshy jolaýshy boldy.
Bul oqıǵa áýejaı úshin de,Almaty qalasy úshin de tarıhı bolyp tabylady. Halyqaralyq Almaty áýejaıynyń búkil tarıhynda alǵash ret jolaýshylar aǵyny 8000000 adamǵa jetti. Almaty áýejaıy Grýzıaǵa eki adamǵa týrısik saparǵa quqyq beretin sertıfıkattyń ıegeri bolǵan Qaırat Manabaevty quttyqtady.
TAVAirports Holding búkil álem boıynsha basqarý salasyndaǵy jetekshi kompanıalardyń biri.
TAV Airports Holding óziniń servıstik kompanıalary arqyly 29 eldegi 108 áýejaıda qyzmetterdiń keń spektrin usynady. Almaty áýe aılaǵynyń ótkizý qabiletin arttyrý maqsatynda jańa Halyqaralyq jolaýshylar termınalynyń qurylysy júrip jatyr. Jańa termınaldy salý kestesi ilgerilep keledi jáne halyqaralyq Almaty áýejaıynyń jańa termınalyn 2024 jyldyń jazynda aıaqtaý josparlanýda.
Jańa ǵımarattyń qurylysy bort kólemine baılanysty halyqaralyq termınaldyń bir ýaqytta jeti ushaqqa deıin qabyldaýyna múmkindik beredi. Áýejaıdyń jalpy ótkizý qabileti jylyna 14mln. jolaýshyǵa deıin artady. Jańa Halyqaralyq jolaýshylar termınalynyń aýdany 53,500m2 quraıdy. Onyń paıdalanýǵa berilýimen Almaty áýejaıynyń ótkizý qabileti jylyna14mln. adamǵa deıin ulǵaıady. Dızaınǵa sáıkes qurylym qoldanystaǵy termınal ǵımaratyna jer ústi ótkeli arqyly qosylady. Jańa úıjaı jolaýshylarǵa ǵımarattyń syrtyna shyqpaı-aq, ishki jáne halyqaralyq reısterden aýysýǵa ońaı qol jetkizýdi qamtamasyz etedi.
Ótken jyly Halyqaralyq Almaty áýejaıy jylyna 2,7 mln. adamǵa eseptelgen ótkizý qabileti kezinde 7,2 mln jolaýshyny qabyldady.