Astronomdar Almatyda polárlik shuǵyla kórinýi múmkin ekenin boljady. Bul qubylys kúshti magnıttik daýyldyń nátıjesinde oryn alýy yqtımal, dep habarlaıdy aqshamnews.kz.
Ǵalymdardyń málimetinshe, 10-12 qazan aralyǵynda Kúnde bolǵan iri jarqylmen baılanysty qýatty geomagnıttik daýyl kútilýde.
"9 qazanda Kúnde X1.8 deńgeıindegi jarylys boldy, ol plazmanyń tez bólinýimen qatar júrdi. Bul plazma Jerge 10 qazan kúni jetedi dep kútilýde. Plazmanyń kólemi úlken jáne qurylymy ártúrli, sondyqtan daýyldyń saldaryn boljaý qıyn. Eń nashar senarı boıynsha, bıylǵy mamyr aıyndaǵydaı besinshi deńgeıdegi daýyldardyń qaıtalanýy múmkin. Biraq tórtinshi deńgeıdegi daýyldyń úsh kúnge sozylýy yqtımal", — dep habarlady astronomdar.
Sondaı-aq ǵalymdar polárlik shuǵylanyń 40 gradýs endikte kórinýi múmkin ekenin, oǵan Almaty, Sochı jáne Vladıvostok qalalary kiretinin aıtty.