Sharaǵa áskerılermen birge marqumnyń qyzy da qatysty.
Keńes Odaǵynyń Batyry, Halyq Qaharmany, táýelsiz elimizdiń tuńǵysh Qorǵanys mınıstri Saǵadat Nurmaǵambetov turǵan úıdiń janyndaǵy memorıaldyq taqtaǵa gúl shoqtaryn qoıý rásimi ótti, dep habarlaıdy Almaty-akshamy.kz QR Qorǵanys mınıstrliginiń baspasóz qyzmetine silteme jasap.
«Saǵadat Qojahmetuly Nurmaǵambetov – el áskeriniń maqtanyshy ári armıanyń irgetasyn qalaýshy. QR Qarýly Kúshterdiń barlyq jaýyngerlik býyny úshin ol tabandylyqtyń, batyldyqtyń jáne Otan aldyndaǵy antyna shyn berilgen tulǵanyń úlgisi. Biz onyń kitaptaryn, estelikterin, maıdandaǵy erligi men beıbit ýaqytta janqıarlyq eńbekterin bilip tárbıelendik. Onyń ózine tán qaısarlyq, maqsat qoıǵyshtyq jáne áskerı antqa adaldyq sekildi qasıetteriniń arqasynda Qazaqstan áskeri murasyn saqtap qana qoımaı, ony damytty», - dedi desanttyq-shabýyldaý áskerleri qolbasshysynyń tárbıe jáne ıdeologıalyq jumystar jónindegi orynbasary Radjan Janysov.
Armıa generaly Saǵadat Nurmaǵambetov 1924 jyly 25 mamyrda Selınograd oblysy Alekseev aýdanynda dúnıege kelgen.