Jalǵan vaksına pasportyn saýdalaý áli de tyıylar emes
Jambyl oblysy Asa aýylyna qarasty emhana qyzmetkerleri qujatty 15 myń teńgege satqan, dep habarlaıdy Almaty-akshamy.kz.
Almaty.tv caıtynyń habarlaýynsha, olar ekpe almaǵan adamdardy vaksına aldy dep kórsetip, derekter bazasyna engizip otyrypty. Bul týraly quqyq qorǵaý organdaryna jergilikti turǵyndardyń biri habarlaǵan. Derek boıynsha, Qarjylyq monıtorıń agenttigi kúdikke ilingenderdi tergep jatyr. Polısıa tekserýi kezinde jalǵan pasportqa tapsyrys bergender de anyqtalady.
«Qarjylyq monıtorıń agenttigi jalǵan COVID-19 vaksına pasporttaryn jáne PTR-testileý nátıjelerin daıyndaý jáne taratý derekterin anyqtaý jáne jolyn kesý boıynsha kúsheıtilgen jumys júrgizýde. Búgingi tańda agenttik jalǵan vaksına pasportyn jasaǵan 30 derekti anaqtady»,– dedi QR Qarjylyq monıtorıń agenttiginiń ókili Gaýhar Saparbaeva.