Jýrnalıser arasynda «Almaty Aqshamy» gazetiniń 35 jyldyq mereıtoıyna arnalǵan shaǵyn fýtboldan jarys ótti.
Jarystyń bastalý saltanatynda Qazaqstan Jýrnalısıka Akademıasynyń tóraǵasy, profesor, Saǵymbaı Qozybaev, belgili jýrnalıs Valerıı Jandaýletov pen Almaty qalasy qoǵamdyq damý basqarmasy basshysynyń orynbasary Márlen Raıs ataýly merekemen quttyqtap, dodaǵa qatysýshylarǵa sáttilik tiledi.
«Almatydaǵy qademger-jýrnalısterdiń basy qosylmaǵaly biraz bolyp edi. Búgingi týrnır barysynda bir-birimizdi jolyqtyryp, emen-jarqyn áńgimelestik. Bul bir shetinen dene shynyqtyrý boldy. Aqshamdaǵy áriptesterimizge keleli dúnıeler jazyp, jaqsylyqtyń jarshysy bola berýine tilektespiz», - deıdi «Qazaqstan» telearnasynyń jýrnalısi Ázız Tastaev.
Munan keıin, dop ortaǵa tastalyp, qatysýshy komandalar arasynda tartysty oıyn bastaldy. Ala dop alamanynda «Ardager» blogerleri tobynyń dáldegen doptary qaqpadan dál tabylyp jatty. Komanda músheleri bir-birimen alma kezek dop almasýdyń arqasynda birinshi oryndy ıemdendi. Al «31 arna» ekinshi oryn alsa, úshinshi orynǵa «Qazaqstan» telearnasynyń komandasy laıyq dep tanyldy. Sonymen qatar, oıyn barysynda ózindik oıyn úlgisin kórsete bilgen áriptester birneshe atalym boıynsha marapattaldy.
Jeńimpazdardy «Alatau Aqparat» medıaholdıngi basshysynyń orynbasary Ábdihalıl Jalılov, «Almaty aqshamy» gazetiniń burynǵy redaktory Qalı Sársembaı, «Vechernıı Almaty» gazetiniń bas redaktory Evgenıı Rahımjanov marapattady.
Aıtý kerek, QR Fýtbol federasıasy Atqarý komıtetiniń múshesi Álim Anapánov pen respýblıkalyq sanattaǵy sýdıa Sáýle Jarbolova oıynnyń ádil ótýine talmaı tórelik etti.
Osylaısha «Alatau Aqparat» medıaholdıngi quramyndaǵy Alataýdyń baýraıynan shyǵyp Alty Alashqa taraıtyn, alyp megapolıstiń ǵana emes, ulttyq basylymǵa aınalǵan gazettiń týrnıri erekshe sáttermen este qaldy. Mereıtoıdyń óz deńgeıinde ótýine arnaıy keń sport zalyn bergeni úshin Almaty memlekettik transport jáne komýnıkasıa kolejiniń dırektory Erbol Jarýllauly Magazov myrzaǵa jáne jarys barysynda medısınalyq baqylaý jumystaryn júrgizýge joǵary sanatty dárigerlermen qamtamasyz etkeni úshin Almaty qalasy Qoǵamdyq densaýlyq saqtaý basqarmasy UOS qalalyq emhanasynyń bas dárigeri Murat Qaıdarovqa alǵys bildiremiz!
