Almatyda Almaly aýdanynda aqyly trotýar turaqtary iske qosylady, dep habarlaıdy Almaty-akshamy.kz
Aǵymdaǵy jyldyń 11 jeltoqsanynan bastap Almaty qalasynyń Almaly aýdanynda aqyly trotýar turaǵy mınýtyna tólenedi. Bul aýdanda 27 aımaq, 6504 turaq orny jumys isteı bastaıdy, onyń ishinde 454 múmkindigi shekteýli adamdar úshin.
Aqyly trotýar turaǵynyń jumys tártibi: kún saıyn saǵat 8: 00-den 19:00-ge deıin. Bir saǵattyń quny 100 teńge. Ýaqytty esepteý kólik quralynyń turaq aımaǵynda toqtaǵan sátinen bastalady. Turaq aqysyn alǵashqy 15 mınýt ishinde tóleý qajet.
Turaq orny úshin aldyn ala tóleýdi mynadaı tásildermen júrgizý qajet:
- «parkovkı Almaty» mobıldik qosymshasy arqyly. Bul qosymshany Play Market nemese Apple Store telefondaryna júkteýge bolady;
- almaty-parking.kz saıtynda;
- Kaspi.kz mobıldik qosymshasy arqyly aqparattyq taqtalardaǵy QR-kod boıynsha;
- kassa 24 termınaly;
- Kcell, Activ, Beeline, Tele2, Altel abonentteriniń 1309 nómiri boıynsha SMS habarlama jiberip, taqtada kórsetilgen turaq nómirin * avto nómiri * saǵat sanyn kórsetý arqyly uıaly shottyń teńgeriminen turaq aqysyn tóleýge múmkindigi bar.
Habarlama mysaly: 6021 * 123AA02 * 1
Biz ekinshi deńgeıli bankter (Halyk bank, Centercredit, RBK, Jusan jáne Forte bank) arqyly QR-tólemdi yqpaldastyrý arqyly tólem tásilderin arttyrý múmkindikterin belsendi túrde ázirleýdemiz.
Trotýar úlgisindegi turaqtar basqa aýdandarda kezeń-kezeńimen iske qosylady.
Buzýshylyqtar avtomatty rejımde, mobıldi keshendermen (arnaıy avto) tirkeledi. Aqyly turaq úshin tóleýden jaltarǵany úshin aıyppul 3 AEK quraıdy (QR 597-baby, 4-1-b.). Bir jyl ishinde qaıtalap buzýshylyqtar bolsa 5 AEK mólsherinde aıyppul salýǵa ákep soǵady.
Qalada alańdyq tıptegi turaqtar shtattyq rejımde jumys isteıdi.
Rezıdenttik kelisimder men abonementterdi uıymdastyrý máselesi ázirlenýde.
Almaty qalasynyń aqyly turaq aımaǵynyń shekarasynda kólik quraldaryn tegin qoıý quqyǵyna azamattardyń jeńildikti sanattary ıe. Ótinishter ONLINE arqyly «eOtinish» servısi arqyly, Almaty-parking.kz saıtyndaǵy silteme boıynsha qabyldanady nemese kórsetilgen qujattar paketin myna meken-jaı boıynsha usynsyn: Almaty qalasy, Bostandyq aýdany, Baıseıitova kóshesi, 40, n.l.71, 5 kabınet.
Baılanys ortalyǵy: +7 (727) 390-8000
Kúndelikti: 8:00-den 20:00-ge deıin.