16 qazanda Astanada ótken brıfıńte Ádilet mınıstri Azamat Esqaraevtan jýrnalıser Almaty almasy halyqaralyq deńgeıde qazaqstandyq brend retinde qashan tirkeletinin surady, dep habarlaıdy almaty-akshamy.kz kaz.zakon.kz silteme jasap.
"Ádilet mınıstrligi "Almaty aporty" geografıalyq kórsetkishin qazaqstandyq brend retinde biriktirý jumystaryn júrgizýde. Biz aport óndirýshilerdiń tıisti qaýymdastyǵymen máseleni pysyqtadyq, olar ádilet organdaryna tıisti ótinish berdi", - dedi Azamat Esqaraev.
Sondaı-aq ol brendti tirkeýdiń aldyn ala merzimderin atap ótti.
"Ýaqyt sál uzaq. Zıatkerlik menshikke qatysty máseleler tez sheshilmeıdi. Tórt aıdan keıin biz Almaty aportyn Qazaqstanda qazaqstandyq brend retinde tirkeımiz, sodan keıin tıisti birlestik qorǵaýǵa berý úshin qujattardy jınaıdy jáne Almaty aportyn halyqaralyq arenada geografıalyq kórsetkish retinde tirkeý kerek", - dep qorytyndylady Ádilet mınıstrliginiń basshysy.