Qazaqstannyń Halyq artısi Asanáli Áshimov 85 jasqa toldy
Qala basshysy Erbolat Dosaev Memleket basshysynyń tapsyrmasy boıynsha aty ańyzǵa aınalǵan akter, Qazaqstannyń Halyq artısi, Qazaqstannyń Eńbek Eri Asanáli Áshimovti 85 jyldyq mereıtoıymen quttyqtady. Almaty ákimi ártiske Prezıdent Qasym-Jomart Toqaev pen Memlekettik hatshy Erlan Qarınniń quttyqtaýyn jetkizdi. Asanáli Áshimov quttyqtaýlar men izgi tilekterdi jaqyndarynyń ortasynda qabyldady.
Kezdesý barysynda qala ákimi ártistiń teatr óneri men kınematograftyń damýyna qosqan zor jeke úlesin atap ótti. Eń jarqyn jáne este qalarlyq rólderdi akter otandyq kınonyń altyn qoryna engen «Qyz Jibek», «Atamannyń aqyry», «Transsibir ekspresi», «Jaýshy» jáne t.b. fılmderde somdady.
«Sizdi mereıtoıyńyzben erekshe qurmetpen qutyqtaımyn. Siz shyn mánisinde búkilhalyqtyq súıispenshilikke laıyqsyz. Bizdiń birneshe urpaǵymyz sizdiń fılmderińizde ósti. Siz otandyq kıno tarıhynda erekshe oryn alasyz. Búgin óner salasyndaǵy bastamalar men jobalardy qoldaısyz jáne ilgeriletesiz, jastarǵa tálim berip, elimizdi shet elderde dáripteısiz», – dedi Erbolat Dosaev aty ańyzǵa aınalǵan akterge uzaq ómir jáne shyǵarmashylyq jetistikter tiledi.
Qazirgi ýaqytta Asanáli Áshimov belsendi jumysyn jalǵastyryp, Qazaqstan teatrlary qaýymdastyǵyn basqarady, M.Áýezov atyndaǵy Memlekettik akademıalyq teatrdyń, sondaı-aq «Qazaqfılm» kınostýdıasynyń kórkemdik jetekshisi.
Asanáli Áshimovtiń mereıtoıyna arnalǵan saltanatty is-shara 2022 jylǵy 27 mamyrda Abaı atyndaǵy memlekettik opera jáne balet teatrynda ótedi. Shara barysynda teatr jáne kıno sheberlerine alǵash ret «Asanáli» syılyǵy tabys etiledi.