Almaty ákimi Erbolat Dosaev OKQ - da ótken brıfıńte jylýmen jáne elektrmen jabdyqtaý ınfraqurylymyn jańǵyrtý týraly aıtty, dep habarlaıdy aqshamnews.kz
2024 jyly Almatyda 20 km jylýmen jabdyqtaý jelileri, 220 km astam elektrmen jabdyqtaý jelileri jańǵyrtylyp, 85 qazandyq qaıta jańartyldy, bul jylytý tıimdiligin edáýir arttyrdy.
Kelesi jyly aýqymdy mindetter josparlanǵan - 40 km jylýmen jabdyqtaý jelilerin jáne 240 km elektrmen jabdyqtaý jelilerin jańǵyrtý, sondaı-aq 21 qazandyqty qaıta jańartý.
Qabyldanyp jatqan sharalar ınfraqurylymnyń tozýyn aıtarlyqtaı tómendetýge múmkindik beredi.
2024-2025 jyldardyń qorytyndysy boıynsha jylýmen jabdyqtaý jelileriniń tozýy 3,8% — ǵa azaıyp, 54,1% -dy qurasa, al elektrmen jabdyqtaý jelileriniń tozýy 1,7% - ǵa azaıyp, 63,3% - ǵa jetti.
Qala basshysy ınjenerlik ınfraqurylymdy jańǵyrtý ákimdik jumysynyń basym baǵyty bolyp tabylatynyn atap ótti. Qala turǵyndary úshin qolaıly jaǵdaı jasaýdaǵy mańyzdy qadam ınfraqurylymdy jańartýǵa qarajatty tıimdi bólýdi qamtamasyz etetin ınvestısıalyq baǵdarlamalardy paıdalaný boldy.