Almaty ákimi Darhan Satybaldy jumys sapary aıasynda «Astana Motors» kompanıasynyń Hyundai Trans Auto zaýytyna bardy.
Aýmaǵy 10 gektar bolatyn kásiporyn Hyundai, Foton jáne Golden Dragon markaly júk jáne jolaýshylar tehnıkasyn shyǵarýǵa mamandanǵan. Óndiris dánekerleý, boıaý, qurastyrý sehtary syndy zamanaýı óndiristik ınfraqurylym jabdyqtalǵan, sondaı-aq, ústińgi qurylymdar men quramdas bólshekter shyǵaratyn jeke óndirisi bar. Zaýyt jylyna 1 200 avtobýs pen 10 000 júk kóligin shyǵara alady.
2011 jyly negizi qalanǵan kúnnen bastap kásiporyn otandyq avtokólik óndirisiniń órkendeýine qomaqty úles qosyp keledi. 2024 jyldyń ózinde zaýyttyń salyq tólemi 1,9 mlrd teńge boldy. Munda 400-den astam bilikti maman jumys isteıdi.
Sapar barysynda qala ákimi ónerkásip sektory damytýdyń strategıalyq mańyzy men eksportqa baǵdarlanǵan ári ınovasıalyq óndiriske qoldaý qajettigin atady.
Zaýyt basshylyǵymen ótken kezdesý kezinde óndiris aýqymyn keńeıtý, qazaqstandyq quram úlesin arttyrý jáne otandyq tehnıkanyń ishki jáne syrtqy naryqtaǵy básekege qabilettiligin arttyrý máseleleri talqylandy.