Úkimet búdjet tapshylyǵyn úsh jylda tómendetýge ýáde berdi. Mınıstrler kabıneti kelesi jyly kúshine enetin Salyq kodeksine ıek artyp otyr. Boljam boıynsha jańa mańyzdy qujattyń arqasynda búdjetke qosymsha 3 trln teńgeden astam qarajat túsedi. Parlamenttiń birlesken otyrysynda Oljas Bektenov kelgen aqshanyń barlyǵy tek damýǵa jumsalady dep otyr.
«Iaǵnı kezekte ınfraqurylymdyq nysandardy iske qosý, elektr qýaty kózderin, avtomobıl jáne temirjol jelisin damytý, ınjenerlik jelilerdi jańǵyrtý sıaqty óte mańyzdy mindetterge joldanady. Bul salalar uzaq merzimdi, turaqty ekonomıkalyq ósimdi qamtamasyz etýge negiz qalaıdy. Qazir biz kelesi 3 jylǵa arnalǵan respýblıkalyq búdjet jobasyn daıyndap jatyrmyz. Óte qyzý jumys júrip jatyr. Aldyn ala aıtatynym, biz 2026 jyly búdjet tapshylyǵyn qazirgi 2,7 paıyzdan 2,5 paıyzǵa deıin, 2027 jyly 1,8 paıyzǵa deıin, 2028 jyly 1,4 paıyzǵa deıin tómendetemiz dep josparlap jatyrmyz», dedi Bektenov.