Almaty ákimi Erbolat Dosaev pen Pacific Construction Group kompanıasynyń prezıdenti Song Shaotın kólik ınfraqurylymy (BRT, LRT, Metro), sýmen jabdyqtaý, sý burý obektilerin salý jáne t. b. salalardaǵy ınvestısıalyq yntymaqtastyq perspektıvalaryn talqylady, dep habarlaıdy Almaty-akshamy.kz.
Kezdesý barysynda Almaty qalasy men Qytaı Halyq Respýblıkasy arasynda dostyq jáne seriktestik qatynastar qalyptasqandyǵy atap ótildi. 2023 jyly Almaty men Qytaı arasyndaǵy taýar aınalymy 22% - ǵa ulǵaıyp, 9,4 mlrd. AQSH doll. (2022 j. - 7,7 mlrd. AQSH). Búgingi tańda qalada qytaı kapıtalynyń qatysýymen 1 914 kásiporyn jumys isteıdi (QR – 3 427 kásiporyn).
Kezdesý qorytyndysy boıynsha taraptar ekijaqty qarym-qatynastardy odan ári nyǵaıtýǵa jáne ózara tıimdi seriktestikke daıyn ekendikterin bildirdi.
Anyqtama: Pacific Construction Group-QHR-daǵy eń iri jeke qurylys kompanıasy, 1986 jyly qurylǵan, shtab-páteri Shyńjańdaǵy Úrimshi qalasynda ornalasqan. 10 jyl qatarynan kompanıa Fortune Global 500 tizimine enip, álemdik qurylys ındýstrıasynda 1-shi orynǵa ıe boldy. Qyzmettiń negizgi baǵyty-joldardy, kópirlerdi, porttardy jáne ónerkásiptik obektilerdi salýdy qosa alǵanda, iri ınfraqurylymdyq jobalarǵa ınvestısıalar. Sondaı-aq, kompanıa Shanhaı-Nankın, Shanhaı-CHjýhaı, Pekın-SHanhaı, Pekın-Gonkong, Lánhýo jáne Qytaı provınsıalaryndaǵy qalalardyń qurylysyna qatysty. Qazirgi ýaqytta kompanıada 700 myńǵa jýyq qyzmetker jumys isteıdi.